M.r_MaFiA
عضــو فـعــال
عدد الرسائل : 101
العمر : 36
العمل/الترفيه : طالب جامعي نشيط
المزاج : على كيف كيفك
تاريخ التسجيل : 15/02/2008
 | | موضوع: فاقد حبيبه...... الأحد مارس 09, 2008 12:38 pm | |
| يا بحر انا جيتك من همومي اعاني
جاك قلبي يشتكي فرقا حبيبه
جيتك كلي امل تاخذ همومي عشاني
اسألك بالله يا بحر اسمع هالمصيبه
ابحكي لك عن اللي خذا قلبي ووجداني
انادي له وصوتي يسمعه وعيا لا يجيبه
اشتقت له واشتاقت له كل المواني
كل عرق بداخلي يسأل ليه طول مغيبه
كنت لا شفته تشتعل في داخلي كل الاماني
كان لي نور بسود الليالي اقتدي به
كنت في قربه يمر وقتي عجل مثل الثواني
كنت افتخر به قدام ناسي واحتفي به
كنت اغيظه بالجفا عشان اعرف مكاني
كنت اشعل غيرته ثم ارجع انتخي به
كنت اتعمد اهجره ومعه كل وجداني
عشان اسمع عتابه واسمع منه تأنيبه
كنت اجيه بغروري وبكبريائي اللي كساني
عشان يقول حبك غرورك بس اللي يعيبه
كنت في قربه مستبشره فيه كل المحاني
كنت في قلبه كنت له اقرب قريبه
لين دقت ساعة الفرقا وبقسوته جاني
يقول ارحلي وقلبك اليوم الله حسيبه
حاولت اتعذر لكنه انعقد حتى لساني
كنت ابقول هذي سالفه وهم وعجيبه
واليوم قلبه قسا ورحل مع شخص ثاني
والجمر في اعماق قلبي تزايد لهيبه
احس الكون في بعده عاف قلبي وسلاني
واحس الدنيا ضاقت من عقب ماهي رحيبه
وكل من مر من يمي بكلمتين واساني
يقولوا ارحمي قلبٍ بدا يخفت من نحيبه
قلت ياناس اسمعوني:شوفوا حبيبي نساني
وعمرٍ من عقب فرقاه ضيع قلبي نصيبه
وادري ان الله خذا مني مثل ماهو عطاني
وادري ان الغالي تركني برضاه ماهو غصيبه
بس اقول الله كريم وعمر كل الناس فاني
والمكان اللي خلا من زوله وش ينبغي به
اسألك بالله يا بحر لو انك مكاني
وش تسوي لا صار قلبك فاقد حبيبه | |
|
وردة الحياة
عضـو فـضــي
عدد الرسائل : 423
العمر : 34
الأوسمه : 
تاريخ التسجيل : 03/02/2008
| | موضوع: رد: فاقد حبيبه...... الأحد مارس 09, 2008 2:37 pm | |
| | |
|
Admin
المـــديــر الــعـــام
عدد الرسائل : 335
العمر : 35
العمل/الترفيه : - صـاحـب منتـديـات
المزاج : رايـق
تاريخ التسجيل : 30/01/2008
| | موضوع: رد: فاقد حبيبه...... الأحد مارس 16, 2008 9:40 pm | |
| اشتقت له واشتاقت له كل المواني
كل عرق بداخلي يسأل ليه طول مغيبه
تشكر اخي لطرحك مثل هذه الكلمات
دمت ولا هنت | |
|
